Qərb bu dəfə də Azərbaycan xalqını təəccübləndirmədi
Gündəm / Siyasət
Oxunub: 25
25 янв 2024 | 19:07

Azərbaycanın ərazi bütövlüyünü və suverenliyini tam bərpa etməsini həzm edə bilməyən qüvvələrin sayı günü-gündən artır. Ölkəmizə qarşı qarayaxma kampaniyasının növbəti ünvanı Avropa Şurası Parlament Assambleyası(AŞPA) oldu. Avropa Şurasının Azərbaycan nümayəndə heyətinin etimadnaməsini qəbul etməməsi bu qurumun ölkəmizə qarşı riyakar, anti-Azərbaycan siyasətinin növbəti dəfə təzahürüdür. Bütün dünyanı heyrətləndirən Zəfərimizi qəbul edə bilməyən və erməni lobbisinin əlaltısına çevrilmiş Qərb bu dəfə də Azərbaycan xalqını təəccübləndirmədi.
AŞPA-nın ortaya qoyduğu mövqedən aydın görünür ki, Avropa Şurası Nizamnaməsinin preambulasında qeyd olunan dəyərləri çoxdan unudub ya da bu sadəcə başqa dövlətlərə təzyiq vasitəsi kimi nəzərdə tutulan söz yığımından başqa bir şey deyil. AŞPA-nın tutduğu mövqe onu deməyə əsas verir ki, nizamnamədə qeyd olunan anlayışların onlar üçün heç bir əhəmiyyəti yoxdur. Əks təqdirdə, Ermənistanın yeni reallığı qəbul etməyə başladığı bir vaxtda Fransa, Almaniya və onların əlində oyuncağa çevrilmiş Avropa Şurası ölkəmizə qarşı bu cür addım atmazdı. Təəssüflər olsun ki, Azərbaycan 2001-ci ildə sözügedən təşkilata üzv olandan bəri sonrakı dövrün təcrübəsi göstərdi ki, ermənipərəst, islamofob qüvvələr bu təşkilatdan daim Azərbaycana qarşı vasitə kimi istifadə edib.
Vaxtilə Azərbaycan Qarabağ probleminin həllinə görə Avropa Şurasına üzv olmuşdu. Amma uzun illər qurum Ermənistanın Azərbaycana qarşı təcavüzü və ərazilərin işğalı faktına qarşı heç bir tədbir görməyib, yalnız hüquqi çəkisi olmayan azsaylı bəyanatlarla kifayətlənib. AŞPA-da Azərbaycanın ərazi bütövlüyünü dəstəkləyən, Ermənistanı işğal etdiyi ərazilərdən çıxmağa çağıran bir neçə qətnamə qəbul olunsa da, bu qətnamələrin icrası üçün heç bir addım atılmayıb. Halbuki, bu quruma üzv olan iki ölkədən birinin digərinin ərazisini işğal etməsi faktına görə ən azından işğalçının səs hüququ əlindən alına bilərdi.
Artıq bu problem həll olunub və hazırda nəinki dünya səviyyəsində, heç Avropada da heç bir nüfuzu olmayan Avropa Şurasına Azərbaycanın heç bir ehtiyacı yoxdur.
Azərbaycan BMT Təhlükəsizlik Şurasının qətnamələrini beynəlxalq hüququn normaları çərçivəsində özü həyata keçirdi. Biz ədaləti, beynəlxalq hüququn normalarını bərpa etdik. 2020-ci il Vətən müharibəsindən və 2023-cü il antiterror əməliyyatından sonra Azərbaycan ərazi bütövlüyünü və tarixi ədaləti hərbi-siyasi yolla bərpa etdi və Təhlükəsizlik Şurası qətnamələrinin icrasını özü təmin etdi. Sözügedən hadisə BMT-nin əsası qoyulandan bəri dünyada ilk dəfə idi baş verirdi. Azərbaycan bütün beynəlxalq alətlərdən istifadə edərək, öz ərazi bütövlüyünü bərpa etdi.
2020-ci ilin noyabrında müharibə bitdikdən dərhal sonra biz sülh danışıqlarına başlamaq üçün təşəbbüs irəli sürdük və Ermənistanla sülh müqaviləsinin əsasını təşkil edəcək beş prinsipi təqdim etdik. Azərbaycan 30 illik işğaldan əziyyət çəkmiş və ədaləti özü bərpa etmiş ölkə olaraq yeni sülh prosesinin müəllifi oldu. Bu cür addımlarımızın nəzərə alınmaması isə AŞPA-nın siyasi riyakarlığını bir daha təsdiq etmiş olur.
Yanvar ayının 22-də keçirilən iclasda iştirak edən Azərbaycanın nümayəndə heyətinin səsvermə hüququnun məhdudlaşdırılması tamamilə qərəzli və riyakar bir addımdır. AŞPA-nın bu qərəzli addımını əsaslandırdığı uydurma səbəblər isə tamamilə absurddur. Əsas səbəb kimi Azərbaycan tərəfinin 2023-cü ildə “Laçın dəhlizi”nə səfərə və Qarabağdakı vəziyyəti müşahidə etməyə, eyni zamanda azərbaycanlı “siyasi məhbuslar”la görüşə icazə verməməsi göstərilib. Almaniyalı deputat və onun bu təşəbbüsünü dəstəkləyən həmkarları məsələni insan hüquqları ilə izah etməyə çalışsa da, bunun insan hüquqları ilə heç bir əlaqəsinin olmadığı aydındır. Baş verənlər öz suverenliyini və ərazi bütövlüyünü bərpa etmiş Azərbaycana qarşı uğursuz qisas cəhdidir. Təbii ki, göründüyü kimi AŞPA-nın bu davranışı təsadüfi xarakter daşımır, ölkəmizə qarşı növbəti qara kampaniyanın davamıdır. Bütün bunlar Prezident İlham Əliyevin müstəqil siyasətini, Ermənistanın məğlubiyyətini, tam suverenliyimizin bərpa olunmasını həzm edə bilməyən qüvvələrin ölkəmizi gözdən salmaq üçün atdığı ədalətsiz addımdır.
Azərbaycan üçün nəinki AŞPA-da səsinin dondurulması, bu qurumun özü belə heç bir əhəmiyyət kəsb etmir. Azərbaycan milli maraqlarından irəli gələn bütün məsələləri uğurla həyata keçirib və bu proses uğurla davam edir. Avropa Şurası ölkəmizə qarşı bu cür qərəzli mövqe ortaya qoymaqla Avropanın enerji təhlükəsizliyinin təminatçısına çevrilən Azərbaycanı qarşısına aldığını açıqca nümayiş etdirdi. Bu mövqe müstəqil və suveren Azərbaycana qarşı köklü qərəzin bariz təzahürüdür.
Azərbaycan özünə hörmət edən, öz milli maraqlarını qoruyan və digər ölkələrdən də bunu gözləyən dövlətdir. Bakı Avropa təşkilatları ilə sağlam əməkdaşlıq etmək istəyir və bu istiqamətdə zəruri addımlar atır. Ancaq AŞPA-nın destruktiv siyasəti onu gözdən salır və ona inamı sıfıra endirir. Azərbaycan ədalətin tərəfindədir. Rəsmi Bakının fəaliyyətində, davranışlarında bu aydın şəkildə görünür. Bu baxımdan ölkəmizə qarşı təhdid, qarayaxma kampaniyası qəbulolunmaz və ədalətsiz mövqedir. AŞPA-nın fəaliyyətində isə mövcud olan dözülməz irqçilik, Azərbaycanofobiya və İslamofobiya mühitinin varlığı göz önündədir. Bütün bu hadisələrin fonunda Azərbaycan nümayəndə heyətinin AŞPA ilə əməkdaşlığı və təşkilatda iştirakını qeyri-müəyyən müddətə dayandırmaq qərarı son dərəcə doğru və düzgün addımdır.
Сегодня, 15:28
"Azərişıq” Göyçayda yenidənqurma işlərini davam etdirir-VİDEO
26-03-2024, 23:47
Sabahın hava proqnozu açıqlanıb
26-03-2024, 23:39
Diqqət: Yeni ölümcül infeksiya yayılır
26-03-2024, 23:32
Göyçayda ağır yol qəzası baş verib
26-03-2024, 23:30
Göyçay şəhəri ərazisindəki avtomobil yollarının dairələrində abadlıq işləri aparılıb
25-03-2024, 16:56
FHN əhaliyə müraciət etdi: Güclü külək, leysan...
25-03-2024, 00:27
Yerdə güclü maqnit qasırğası müşahidə edilir
25-03-2024, 00:15
Jurnalist Yaqub Mehdiyev vəfat edib
24-03-2024, 23:30
Təhsil müəssisəsinin, ixtisasın və ya təhsilalma formasının dəyişdirilməsi qaydası açıqlanıb Təhsil müəssisəsinin, ixtisasın və ya təhsilalma formasının dəyişdirilməsi qaydası açıqlanıb 24 mart 2024 17:38 (UTC +04:00) Təhsil müəssisəsinin, ixtisas
24-03-2024, 13:09
"HƏR KƏS BİZİMLƏ HESABLAŞMALIDIR ..." - Prezident Xankəndidən mesajlar verdi
23-03-2024, 22:15
Prezident İlham Əliyev Vladimir Putinə başsağlığı verib
23-03-2024, 21:51
Putin xalqa müraciət etdi
22-03-2024, 22:51
Qar yağacaq, külək güclənəcək - Xəbərdarlıq
22-03-2024, 22:45
Göyçayda Novruz bayramı münasibətilə peşə təmayüllü siniflərin sərgisi təşkil olunub
22-03-2024, 14:08
Yol polisindən bu sürücülərə müraciət
22-03-2024, 14:03
Rəsmi Bakıdan Fransaya: Daxili işlərimizə qarışmayın!
22-03-2024, 13:53
Putin bu faizlə qalibdir - Yekun nəticələr - Yenilənib
21-03-2024, 12:42
Uşaqlar üçün qida məhsullarına dair yeni tələb müəyyənləşib.
21-03-2024, 10:39
Azərbaycanda nə qədər insan yaşa görə pensiya alır? - STATİSTİKA
21-03-2024, 10:29
Yağıntılı hava şəraitinə görə yollarda görmə məsafəsi məhdudlaşacaq
20-03-2024, 19:22
Bu gün Novruz bayramıdır
19-03-2024, 23:31
Azərbaycanın Birinci vitse-prezidenti Mehriban Əliyeva İlaxır çərşənbə ilə bağlı paylaşım edib
19-03-2024, 18:48
Göyçayda ümumrayon Novruz bayramı tədbiri keçirildi
19-03-2024, 13:27
Gürcüstan və Azərbaycan iki müstəqil dövlət kimi daim bir-birinin yanındadır
19-03-2024, 13:04
Martın 17-də Azərbaycan Respublikasının Prezidenti İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər.
19-03-2024, 00:36
Bu gün İlaxır çərşənbə qeyd olunur
19-03-2024, 00:13
Göyçayda “Heydər Əliyevin 100 illiyi (1923-2023)” Azərbaycan Respublikasının yubiley medalları ilə təltif edilmiş şəxslərə medallar təqdim edilib