Əlişah Allahverdi oğlu Nağıyev 15 mart 1946 cı ildə Ağsu rayonunda doğulmuşdur. Bakı Dövlət Universitetinin Azərbaycan dili, Ədəbiyyat ixtisasına yiyələnən Ə. Nağıyev 1970 ci ildən bu günə kimi mətbuat sahəsində çalışıb. Ağsu rayonunda nəşr olunan "Birlik" qəzetinin müxbiri, Ağsu rayon Kəndoba kənd məktəbinin direktoru, Ağsu rayon təhsil şöbəsinin inispektoru, Göyçay rayon 58 saylı Peşə məktəbinin müəllimi, "Yeni həyat" qəzetinin müxbiri, Göyçay rayon Şəkər kənd məktəbinin direktoru, "Sovet kəndi", "Gənclər","Düzü-düz, əyrini-əyri", "Dövlət press", "Mozalan", "Respublika xəbərləri"qəzetlərində əməkdaşlıq edib. Göyçay rayon icra hakimiyyətinin orqanı olan "Göyçay" qəzetinin baş redaktoru vəzifəsini icra edib. "Şirvanın səsi qəzetinin təsisçisi və baş redaktoru vəzifəsində çalışır. 1978 ci ildən Göyçay rayonunda yaşayır.
"Qızıl qələm", H.Z.Tağıyev, Araz media mükafatları sahibi, Ümummili Lider Heydər Əliyevin 80 illik yubleyinə həsr olunan "Rəhbər ömrü","Dünya yaxşılarındır", "Yaxşılar yadda qalır", "Mən şair deyiləm" kitablarının müəllifidir.
Ə. Nağıyevin "Göyçay", "Ağsu", "İsmayıllı" şerlərinə mahnılar bəsdələnmişdir. Göyçay informasiya agentliyi, NarTv redaksiyasının rəhbərliyi və kollektivi adından Yazıçı, jurnalist və şairi ad günü münasibətilə təbrik edir, cansağlığı, uzun ömür, yaradıcılığında uğur arzulayırıq.