17 aprel 2024-cü il tarixdə Mərkəzi Aran Regional Mədəniyyət İdarəsi Göyçay Tarix-Diyarşünaslıq Muzeyində “Azərbaycan Respublikasında İnsan alverinə qarşı mübarizəyə dair 2020-2024-cü illər üçün Milli Fəaliyyət Planı” çərçivəsində “Təhsilsiz uşaqların aqibəti” mövzusunda maarifləndirici tədbir keçirildi.Tədbirdə Göyçay şəhər Yekəxana kənd tam orta məktəbin VII sinif şagirdləri və tarix müəllimi Fuad Əhmədov,fransız dili müəllimi Alim Səfərli və muzey əməkdaşları iştirak edirdi.Muzeyin baş elmi işçisi Humay Zülfüqarova insan alveri ilə məşğul olanların əlinə keçməmək üçün təhsilin böyük əhəmiyyətindən,təhsilsiz şagirdlərin acı aqibətindən söz açmış,uşaqlarla maarifləndirici söhbətlər apararaq onlara yaxşı oxumağı tövsiyyə etmişdir.O eyni zamanda cəmiyyətin inkişafı üçün sağlam gənclərin yetişdirilməsi bu günün vacib məsələlərdən olduğunu öz çıxışında vurğuladı.Bu mövzu ətrafında şagirdlərlə fikir mübadiləsi aparıldı.Məktəbin müəllimi Fuad Əhmədov öz çıxışında şagirdlərin zərərli vərdişlərdən uzaqlaşdırılması üçün müəllimlərlə bərabər valideynlərin də üzərinə böyük vəzifə düşdüyünü bildirdi.Sonda muzeyin bələdçisi Mehriban Xəlilova şagirdləri ekspozisiya ilə tanış etdi.Ekspozisiyada nümayiş etdirilən arxeologiya bölməsində olan Yekəxana kəndindən tapılmış maddi mədəniyyət abidələri şagirdlərin böyük marağına səbəb oldu.