Mərkəzi Aran Regional Mədəniyyət İdarəsi Göyçay Tarix-Diyarşünaslıq Muzeyində 30 aprel 2024-cü il tarixində Göyçay 3 saylı tam orta məktəbin şagird və müəllimlərinin iştirakı ilə dahi şairimiz Məhəmməd Füzulinin 530 illik yubileyi ilə əlaqədar “Füzuli irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir!” adlı tədbir keçirildi.
Tədbirdə şagirdlərin ifasında Füzulinin həyat və yaradıcılığından və “Söz” qəzəlindən ibarət kompozisiya maraqla qarşılandı.
Muzeyin elmi işçisi H.Zülfüqarova öz məruzəsində M.Füzulinin hərtərəfli biliyə malik mütəfəkkir kimi onun həyata,insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir fikrini vurğuladı.
Muzeyin direktoru v.i.e. baş fond mühafizi N.Sultanova tədbir iştirakçılarına öz təşəkkürünü bildirərək M.Füzulinin Azərbaycan ədəbiyyatı və mədəniyyəti tarixinin iftixarı olduğunu söylədi. Buna görə də Göyçay Tarix-Diyarşünaslıq Muzeyinin fəaliyyətində Füzuli irsinin və həmçinin digər mütəfəkkirlərin təbliğ olunması, gələcək nəsillərin maarifləndirilməsi həmişə xüsusi yer almışdır.