Elitar Gənc Biznesmenlər Mərkəzi İctimai Birliyi Göyçay, İsmayıllı və Qəbələ rayonlarında “Kənd yerlərində gənclərin karyera və şəxsi inkişafına yardım” layihəsinin icrasına başlayır.

Layihənin əsas məqsədi texnologiyanın inkişafı sayəsində lokal və qlobal əmək bazarına daxil olan yeni peşələrin region gəncləri arasında tanıdılması, onların həmin peşələrə uyğunluğunun ölçülməsi, eyni zamanda yumşaq bacarıqlarının inkişafı istiqamətində təlimləndirilməsi, eləcə də iş axtarma, əmək bazarında layiqli mövqe tutmalarına yönəlmiş karyera məsləhəti xidmətinin göstərilməsidir.

Layihə çərçivəsində müxtəlif mövzulara toxunularaq təlimlər, oyunlar, qrup işləri, enercayzerlər və digər praktiki sessiyalar təşkil olunacaq.

Layihə çərçivəsində ilk təlimlər 8-9 iyun 2024-cü il tarixlərində Göyçay rayonunda baş tutacaq.

Qeyd edək ki, layihə Elitar Gənc Biznesmenlər Mərkəzi İctimai Birliyinin təşəbbüsü, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Gənclərin İnkişaf və Karyera Mərkəzi təşkilati dəstəyi ilə həyata keçirilir.