İyunun 9-da informatika və coğrafiya fənləri üzrə əlavə imtahan keçiriləcək
Gündəm / Hadisə
Oxunub: 9
7 июн 2024 | 14:49


Dövlət İmtahan Mərkəzi (DİM) iyunun 9-da I ixtisas qrupu üzrə RK və Rİ altqruplarının hər ikisini seçən abituriyentlər üçün informatika fənni, III ixtisas qrupu üzrə DT və TC altqruplarının hər ikisini seçən abituriyentlər üçün coğrafiya fənni üzrə əlavə imtahan keçirəcək.

DİM-dən bildirilib ki, imtahan Bakı, Naxçıvan, Gəncə, Şəmkir, Sumqayıt, Abşeron, Şamaxı, Mingəçevir, Şəki, Bərdə, Göyçay, Şirvan, Lənkəran və Xaçmazda təşkil olunacaq.

İştirakçılar mayın 30-dan etibarən Dövlət İmtahan Mərkəzinin saytında imtahana buraxılış vərəqəsini çap edə bilirlər. Buraxılış vərəqəsində imtahanın keçiriləcəyi tarix, şəhər (rayon), bina, zal, başlanma vaxtı və abituriyentin imtahan binasına gəlmə vaxtı və s. məlumatlar qeyd olunub.

DİM abituriyentlərin bir daha nəzərinə çatdırır ki, imtahan saat 10:00-da başlanacaq. Saat 09:45-də buraxılış rejimi başa çatacaq və bundan sonra gələn iştirakçılar imtahan binasına buraxılmayacaq.

İştirakçıların imtahan binasına rahat şəkildə daxil olması üçün binaya müxtəlif gəlmə vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.

Abituriyentlər imtahana aşağıda qeyd olunan sənədləri gətirməlidirlər:

- İmtahana buraxılış vərəqəsi;

- Şəxsiyyəti təsdiq edən sənədin əsli.

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İnformatika fənni üzrə imtahanda 11804, coğrafiya fənni üzrə imtahanda isə 6636 nəfərin iştirakı nəzərdə tutulur.

İmtahan keçirilən şəhər və rayonlarda ümumilikdə 78 imtahan binası, 1375 imtahan zalı ayrılıb. İmtahanların idarə olunmasına 78 ümumi imtahan rəhbəri, 224 imtahan rəhbəri, 1719 nəzarətçi, 240 buraxılış rejimi əməkdaşı, 78 bina nümayəndəsi cəlb olunub.

İmtahanda 26 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) abituriyent də iştirak edəcək. Onların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması və hərəkəti üçün də şərait yaradılıb. Bundan əlavə, sağlamlıq imkanları məhdud iştirakçılar üçün ayrılan nəzarətçilərlə xüsusi təlim keçirilib.

Hazırda qeyd olunan şəhər və rayonlarda imtahanlarda iştirak edəcək digər nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. Bütün imtahan binalarına baxış keçirilir, imtahan zallarında abituriyentlərin rahat şəkildə imtahan verməsi üçün zəruri şərait yaradılır. Təhlükəsizliyin təmin edilməsi məqsədilə imtahan mərkəzlərinə iyunun 8-də təkrar baxış keçiriləcək və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.

Qeyd: I ixtisas qrupu üzrə RK və Rİ, III ixtisas qrupu üzrə DT və TC altqruplarının hər ikisini seçən, lakin mayın 26-da və iyunun 2-də keçirilən əsas imtahanda iştirak etməyən abituriyentlərin iyunun 9-da keçiriləcək informatika və ya coğrafiya fənləri üzrə əlavə imtahanda iştirak etmələrinin hüquqi əhəmiyyəti yoxdur.
Вчера, 22:45
Sabahın gününün havası açıqlanıb
Вчера, 22:32
"Kitab gətir,Kitab götür"
Вчера, 22:21
Milli Qurtuluş Günü - Azərbaycanın taleyini dəyişən zəfər tarixi
Вчера, 22:20
Taxıl sahələrinin 14,8 faizində biçin başa çatıb
Вчера, 22:06
Avropa çempionatının qalibi Laçın Vəliyevlə görüş keçirilib
Вчера, 21:58
Quş qripi xəstəliyinə qarşı keçirilmiş monitorinqlərin nəticələri açıqlanıb
Вчера, 21:56
İlkin istehsal sahələrində monitorinqlər aparılıb
Вчера, 21:53
Göyçayda Azərbaycan Respublikasının Xalq Artisti Valeh Kərimovun 80 illik yubileyi qeyd edilib
Вчера, 21:46
Sabah 102 120 məzun üçün “Son zəng” çalınacaq
Вчера, 20:18
15 İyun-Milli Qurtuluş Günü münasibətilə elmi – praktik konfrans keçirilib
Вчера, 15:11
15 iyun - Azərbaycanın xilas, qurtuluş tarixi
Вчера, 15:09
Prezident İlham Əliyev bir sıra fərmanlarda dəyişiklik etdi
Вчера, 15:08
İkitərəfli əlaqələrinin inkişafına böyük töhfə
Вчера, 14:47
Prezident İlham Əliyev Palçıq Vulkanları Turizm Kompleksinin açılışında iştirak edib
Вчера, 14:27
DİN-dən “Son zəng”lə bağlı - Müraciət
12-06-2024, 22:45
Prezident İlham Əliyev 6 fərman imzaladı
12-06-2024, 21:58
Qardaşlıq tarixinin yeni mərhələsi - Şuşa Bəyannaməsi
12-06-2024, 19:49
Lisey və gimnaziyalara ərizə qəbulu başa çatır
12-06-2024, 19:00
Rayonun Yekəxana kəndində sakinlərlə növbəti səyyar qəbul keçirilib
12-06-2024, 13:01
Rayon İcra Hakimiyyətinin başçısı Göyçayda idman zallarının fəaliyyəti ilə maraqlanıb
11-06-2024, 21:40
Sabah ölkə ərazisində hava şəraiti dəyişkən buludlu olacaq
11-06-2024, 21:36
“Narkomaniyaya qarşı mübarizə”, “Dini radikalizim” və “Erkən nikah” mövzusunda tədbir keçirilib
11-06-2024, 21:31
Göyçayda yol qəzasında sürücü ölüb
11-06-2024, 21:29
Rayon İcra Hakimiyyətində vətəndaşların növbəti fərdi qəbulu keçirilib
11-06-2024, 18:36
Daxili İşlər Nazirliyi Daxili Qoşunlarının Hərbi İnstitutunun rektoru təyin edilib
11-06-2024, 18:25
Prezident İlham Əliyev Vladimir Putinə təbrik ünvanlayıb
11-06-2024, 18:19
Bizim ailəmiz Türk dünyasıdır