Göyçay rayon Heydər Əliyev Mərkəzinin “Akt zalı”nda Mədəniyyət İşçiləri Həmkarlar İttifaqı Göyçay rayon komitəsinin XIX Hesabat-seçki Konfransı keçirilmişdir. Konfrans iştirakçıları Ulu öndər Heydər Əliyevin abidəsi önünə tər-çiçək dəstələri düzdülər.İlk olaraq Azərbaycanın azadlığı uğrunda şəhid olan vətən övladlarının, həmçinin ötən dövr ərzində dünyasını dəyişmiş mədəniyyət işçilərinin əziz xatirəsi bir dəqiqəlik sükutla yad edildi.Konfransda Azərbaycan Mədəniyyət İşçiləri Həmkarlar İttifaqı Respublika komitəsinin maliyyə şöbəsinin müdiri Telman Yusifov, Mərkəzi Aran Regional Mədəniyyət İdarəsinin rəis müavini Qasım Qasımov, Mədəniyyət İşçiləri Həmkarlar İttifaqı Ucar və Zərdab rayon komitələrinin sədrləri Mirqələm Əliyev və Vəfa Bayramova, Mərkəzi Aran Regional Mədəniyyət İdarəsinin Göyçay rayon numayəndəliyinin müəssisə rəhbərləri və ilk təşkilatdan seçilmiş ittifaq üzvləri iştirak edirdilər.
Konfransda Mədəniyyət İşçiləri Həmkarlar İttifaqı Göyçay rayon komitəsinin sədrinin və
Təftiş komisiyasının sədrinin 2017-2024-cü illər üzrə hesabatları dinlənildi və görülmüş işlər
barədə videoçarx nümayiş etdirildi.
Hesabat ətrafında müzakirələrdə çıxış edən Azərbaycan Mədəniyyət İşçiləri Həmkarlar
İttifaqı Respublika komitəsinin maliyyə şöbəsinin müdiri Telman Yusifov Telman Yusifov,
Mərkəzi Aran Regional Mədəniyyət İdarəsinin rəis müavini Qasım Qasımov, Rəsul Rzanın
ev muzeyinin direktoru Solmaz Həsənova, Uşaq Musiqi Məktəbinin direktoru Dəyanət
Hüseynov, Mərkəzləşmiş Kitabxana Sisteminin direktoru Nazlı Əhmədova, Tarix-diyarşünasıq muzeyinin direktoru Nuranə Sultanova, Heydər Əliyev Mərkəzinin direktoru Samirə Vəliyeva, Mədəniyyət Mərkəzinin ilk HİT sədri Vüsalə Məmmədova, Tarix-diyarşünaslıq muzeyinin ilk HİT sədri Humay Əsgərova, Heydər Əliyev Mərkəzinin ilk HİT sədri Ülkər Məlikzadə, Uşaq Musiqi Məktəbinin ilk HİT sədri Xalidə Ağayeva, Mədəniyyət İşçiləri Həmkarlar İttifaqı Ucar rayon komitəsinin sədri Mirqələm Əliyev, Mədəniyyət İşçiləri Həmkarlar İttifaqı Zərdab rayon komitəsinin sədri Vəfa Bayramova komitənin hesabat dövrü ərzindəki fəaliyyətinin qənaətbəxş olduğunu vurğuladılar. Nizamnamə tələblərinə uyğun olaraq 15 nəfərdən ibarət yeni seçilən komtə üzvləri Nəriman Əlisahib oğlu Məlikovun komitə sədrliyinə namizədliyini irəli sürdülər və Nəriman Məlikovu yenidən sədr vəzifəsinə, Vüsalə Məmmədovanı isə sədrin müavini vəzifəsinə təsdiq etdilər.Komitə üzvlərindən 7 nəfər Rəyasət heyətinin üzvü seçildi, 3 nəfər Təftiş komisiyasının üzvü təsdiq edildi. İctimai əsaslarla fəaliyyət göstərən komissiyaların yeni tərkibi təsdiq edildi. Yeni seçilən sədr Nəriman Məlikov Azərbaycan Mədəniyyət İşçiləri Həmkarlar İttifaqı
Respublika Komitəsinə üzv və Respublika Komitəsinin XIX Konfransına nümayəndə seçildı.
Sonda Konfransın Qərar layihəsi oxundu.
Konfrans İştirakçıları Azərbaycan Mədəniyyət işçiləri Respublika Komitəsinin XIX konfransına müraciət ünvanladılar.Müraciətdə Azərbaycan Mədəniyyət İşçiləri Həmkarlar İttifaqı Respublika Komitəsinin sədri Adil Aslan oğlu Atakişiyevin yenidən sədrliyə namizədliyinin irəli sürülməsini təklif etdilər.